AZTERKETA ETA DIAGNOSTIKOA
Kasu bakoitza ezberdina da
Paziente bakoitza kasu bat da, eta kasu bakoitza gainerakoen ezberdina da. Hortaz, ugalkortasun-azterketa bakoitza indibidualizatu behar da, baita laguntza bidezko ugalketako tratamenduak ere. Hala ere, gure kontsultetan proba diagnostiko batzuk egin ohi dira.
Emakumezkoaren azterketa
Emakumearen historia eta bere familiarena:
- Adina: emakumezkoen ugalketa-pronostikoaren adierazle nagusienetako bat da.
- Antzutasun-denbora eta mota. Pronostikoa bestelakoa izango da datu hauen arabera: noiztik (zenbat hilabete) ari diren haurdun geratzen saiatzen, emakumea lehenago haurdun geratu den … .
- Pazientearen aurrerakinak (tiroideren nahasmendu hormonalak, infekzioak, ebakuntzak, gai toxikoak…) ebaluatu behar dira.
- Famila-gaixotasun hereditarioek eragina izan dezakete emakumearen ugakortasunean. Era berean, familian menopausia goiztiarreko aurrekaririk badago, obulutegiko arazoen kausa izan daiteke.
- Aurrekari ginekologikoak:
- Umetokiko patologiak (miomak, polipoak…) edo obulutegikoak (kisteak, endometriosia…) dira antzutasun-kausak.
- Nahasmendu hormonalak, hala nola obulutegi polikistikoaren sindromea edo antzekoak obulazio-arazoekin lotzen dira.
Analisiak
- Analisi orokorrak: pazientearen osasun-egoera aztertzen da, eta ugalkortasunari eragin diezaioketen arazorik dagoen (hormona tiroideoa, prolaktina, homozisteina…).
- Obulutegi-erreserba: berariazko analisi hormonalak adieraziko digu nola dagoen obulutegi-erreserba. Anti-Mullerian hormona (AMH) erabili ohi da.
- Pazientearen kromosoma-hornidura zehazten du.
Ekografia
Barruko genitalak ebaluatzen ditu eta ugalkortasunari eragin diezaioketen patologiak baztertzen.
Histerosalpingografia:
Proba erradiologiko horren bidez tronpen iragazkortasuna aztertzen da. Umetoki-barrunbeari buruzko informazioa ere ematen du. Intseminazio artifiziala egiten dugunean erabili ohi dugu.
Histerosonografia:
Histerosonografia: tronpen iragazkortasuna egiaztatzen du ekografia baten bidez.
Histeroskopia:
Histeroskopia: umetoki-barrunbea aztertzen du umetoki-lepotik sartzen den kamera baten bidez.
Gizonezkoaren azterketa
Gizonaren historia eta bere familiarena
Emakumerengan bezala, aurrekariak garrantzizkoak dira ere gizonezkoarengan.
Analisiak
- Gizonen kasuan analisi gutxiago eskatzen dira (analisi orokorrak, serologiak eta odol-mota).
- Kariotipoa.
Seminograma:
Seminograma: semenaren kalitateak berezko ugalkortasunaren ugalketa-pronostikoan du eragina. Gainera, egin beharko dugun laguntza bidezko ugalketako tratamendu-mota zehaztuko digu.
FISH espermatikoa:
FISH espermatikoa: espermatozoideen kromosoma-hornidura aztertzen du.
DNAren zatikatzea:
DNAren zatikatzea: espermatozoideen DNAn dauden hausturak aztertzen ditu.
